انتقد مصريون، الأحد، زيادة وتيرة انقطاع الكهرباء يوميا؛ إثر انخفاض واردات البلاد من الغاز الطبيعي إلى الصفر من 800 مليون قدم مكعب يوميا؛ في ظل الحرب المتواصلة بين جيش الاحتلال الإسرائيلي وفصائل المقاومة الفلسطينية في قطاع غزة منذ 7 أكتوبر/ تشرين الأول الجاري.
المنتقدون اتهموا، عبر منصة "إكس"، السلطات بالفشل في إدارة شؤون مصر، وتساءلوا بشأن دور الغاز الطبيعي الإسرائيلي في أزمة لا تقارن بما يعانيه نحو 2.3 مليون فلسطيني يف غزة من حرمان كامل؛ جراء حصار مستمر منذ أن فازت حركة "حماس" بالانتخابات التشريعية في 2006.
وندد مغردون بما اعتبروه سوء إدارة لقدرات مصر الطبيعية المتنوعة في مجال الطاقة، واتهموا السلطات بإخفاء حقيقة الوضع عن الشعب.
بلد عندها حقول غاز وبترول وعندها مخزون فحم هائل و السد العالي ومحطات كهرباء طواحين الهواء وبرضو الكهرباء بتقطع عندهم... إبتسم وحط الجزمة في بوقك إنت في مصر 🇪🇬... #السيسي_خلاها_ضلمه
— صدقة جارية لمن ليس لديه ولد يدعو له ولكل المسلمين (@tareqkamel0) October 29, 2023
هو لو قلتوه الصراحة هيجرلكم حاجة ما تقوله اسرائيل وقفت ضخ الغاز لمصر وان عندنا مشاكل فى حقل غاز ظهر بسبب انخفاض الضغط وتسرب المياه داخل البير وان حاليا بيتم حفر ابار جديدة لحل المشكلة وان البلد عندها ازمة دولار ومش هتقدر تستورد مازوت بعد توقف ارامكو السعودية عند امداد مصر
— بوبوس 𓅭 𓆎𓅓𓏏𓊖 (@moEgyptian6) October 29, 2023
رئيس فاشل
— 🇪🇬 على المعاش🇪🇬 RamdanAlbadri (@Prince1Ramdan) October 29, 2023
وحكومة فاشله
أزمة انقطاع الكهرباء في مصر وانخفاض إنتاج حقل ظهر الذي يعد أكبر حقول الغاز في مصر انخفض إنتاجه إلى نحو 2.2 مليار قدم مكعبة يومياً
تصدير غاز بـ10 مليارات دولار
مصر تستوردة 800 مليون قدم مكعب غاز يومياً من إسرائيل وتلك الكميات المستوردة يتم تصديرها بالكامل..
لا يا معلم اسمها زيادة كمية استهلاك الغاز اللي بيتصدر لاسرائيل
— غريب الدار (@amralshrif) October 29, 2023
طيب وفين الغاز اللي المفروض اكتشفناه في البحر المتوسط
اسمها كمية المياه اللي بتولد الكهرباء في السد العالي قلت
اسمها انك بتصدر كهرباء لدول مجاورة وانت مش ملاحق
اسمها الامر اسند لمن هم ليسوا لديهم خبرة فيه
تحيا مصر
وبعدين الزاي شبكة الكهرباء ووزارة الكهرباء
— Motaz AboGendy (@AbogendyMotaz) October 29, 2023
تقول عندنا اكتفاء وفائض كهرباء
والوضع انك مش عندك اساسا قدرة ع تشغيل المحطات
ده سوء تخطيط وادارة
وده اكبر دليل ع فشل الادارة واهدار مال عام وقروض وديون
مافيش مشروع ف مصر اتعمل ليه دراسه جدوي
الدولة هترفع أسعار السجائر الفترة الجاية، يعني قطع كهرباء ساعتين متواصلتين وإرتفاع أسعار السجائر والسكر والأرز، والله أنا شايف إن الإحتلال بقي أرحم من العيش في مصـر أقلها الـ هيتقتل هيكون شهيد بـ جـد مش شهادة الدول العربية.
— أحـمـد أسـعـد (@SaidAsaadSaid) October 29, 2023
كهرباء تل أبيب
وانتقد آخرون تسييل مصر للغاز الطبيعي الإسرائيلي في منشآتها، ثم إعادة تصديره إلى إسرائيل، بينما يعاني المصريون من انقطاع الكهرباء.
هل فكرت من ينير كهرباء تل أبيب
— هزيم (@Kemo0o55) October 28, 2023
هو غاز مصر المسال ومصانعها التي تسيل الغاز ثم تعيده لهم
نبيع الغاز ببلاش ونرجع نشتريه بفلوس قد كدا نحاسب مين طيب ؟ نحاسب مين عرفونا نحاسب مين في اللي بيحصلنا دا؟! قلة قيمة وقلة كرامة وغلاء وقطع كهرباء والاغنية اللي شغالة احنا احسن من غيرنا طب ومنبقاش احسن واحسن ليه ناقصنا ايه؟احنا مصر اللي فيها احد عجائب الدنيا السبع بقينا نشوف العجب
— Marwa (@marwaraheel4) October 29, 2023
بينما استنكر البعض استياء مصريين من زيادة انقطاع الكهرباء في وقت يحرم فيه الاحتلال الإسرائيلي سكان غزة من أساسيات الحياة.
و من عجائب بعض البشر نلاقي ناس ف مصر طالعه تشتكي و تصرخ عشان الحكومه قررت قطع الكهرباء لمده ساعتين .. و مش شايفين الناس اللي ف غزه من غير كهرباء و لا ماء و لا غذاء .. قول الحمد لله انك عايش ف أمان و سلام .. اعوذ بالله من سفاهه و سطحيه بعض البشر
— Shereen Kandil (@kandil_shereen) October 29, 2023
المقاطعه في مصر وصلت للكهربا ماهو مش معقول اهلنا في غزة معندهمش كهرباء ونت واحنا قاعدين في النور عادي كده ده حتي تبقي قله أدب مننا
— sн͠ɑ͠н͠d͠ (@sh_mo14) October 29, 2023
لا سحر و لا شعوذة
— أبو عمر المصري (@babor56) October 29, 2023
كان عامل حسابه يتلايم على شوية المليارات مقابل نقل أهل غزة في سيناء
و لكن منها لله بقه المقاومة لخبططت حساباته
و شكل الأيام الجاية هتكون سوده على دماغهم و دماغ المطبلاتيه بتوعهم
مستني أيه يا شعب مصر
أكل مفيش
تعليم مفيش
كهرباء مفيش
كرااااامة مفيييييييش
زيادة الاستهلاك
والأحد، قال مجلس الوزراء المصري، عبر بيان، إن فترة انقطاع التيار الكهربائي زادت بسبب ارتفاع الاستهلاك؛ جراء ارتفاع درجات الحرارة، بالتزامن مع انخفاض واردات الغاز وإنتاج مصر من الطاقة المتجددة.
وبحسب المتحدث باسم رئاسة مجلس الوزراء سامح الخشن، فإن زيادة فترة انقطاع الكهرباء عن المنازل والمحلات التجارية ستشمل 24 محافظة من أصل 27، وستكون الزيادة من ساعة واحدة إلى ساعتين يوميا.
وتعتمد مصر على واردات الغاز الإسرائيلي لتلبية جانب من الطلب المحلي وإعادة التصدير، لكن في ظل الحرب أوقفت شركة "شيفرون" الإنتاج في حقل غاز "تمار" الإسرائيلي، وعلقت الصادرات عبر خط أنابيب غاز شرق المتوسط الذي يمتد تحت سطح البحر من مدينة عسقلان في جنوب إسرائيل إلى مصر.
وفي مصر، يتزايد الطلب على الغاز في وقت انخفض فيه إنتاجها منه إلى أدنى مستوياته منذ 3 سنوات هذا العام.
وتواجه البلاد نقصا في الطاقة خلال فصل الصيف؛ إذ أدت موجات الحر إلى زيادة الطلب على التبريد.