قال الرئيس المصري "عبدالفتاح السيسي" إن مصر تحتاج إلى تريليون دولار على الأقل كموازنة عامة، حتى تستطيع حل جميع المشاكل التي تواجهها.
وأضاف "السيسي"، على هامش مشاركته في فاعليات اليوم الثاني للمؤتمر الوطني السابع للشباب المنعقد بالعاصمة الإدارية الجديدة، الأربعاء: "هنفضل نشتغل ونشتغل لأن دولة زي مصر عاوزة على الأقل موازنة تريليون دولار.. لكن إحنا موازنتنا صعبة وأقل من المطلوب وبتتراكم المشاكل".
وأشار إلى أن أبرز أسباب المشاكل التي تمر بها مصر حاليًا جاءت نتيجة موازنات الأعوام الماضية، التي كانت أقل من المطلوب، إلى جانب الزيادة السكانية، قائلا :"لما كنا بنتكلم عن بلدنا، كنت ببص للموضوع بنظرة كلية، يعني معايا كام والبلد دي موازنتها كام، والبلد دي تقدر تصرف إزاي؟ ويا ترى النمو الاقتصادي كان متوافق مع النمو السكاني؟ دولة فيها 100 مليون يا ترى الفلوس الموجودة معانا كام؟ وعلى قد اللي معانا هنعمل للناس؟".
وأردف: "من فضلكم توقفوا قدام كلامي علشان نعرف إحنا ليه كدا.. أنت عاوز 18 تريليون جنيه (تريليون دولار تقريبا) بشكل مستمر ومستقر لموازنة الدولة علشان تحل كل المسائل اللي تم طرحها، وده ممكن بس هناخد وقت وجهد، وكان من ضمن ده خطة الإصلاح الاقتصادي".
وأكد "السيسي": "اللي بيقولوا أنت قاعد تعمل المدن الجديدة العلمين والمنصورة.. ده تطوير استراتيجي للعقار في مصر علشان أجيب منه فلوس، مش علشان أصرف عليه، وما خدناش من الدولة فلوس للمواضيع دي، إحنا بناخدها للتشغيل".
وانتهت، الأربعاء، فعاليات المؤتمر، الذي افتتحه "السيسي"، الثلاثاء، وحضره نحو 1500 شاب، وعقد للمرة الأولى في العاصمة الإدارية الجديدة.
وغالبا ما تثير تصريحات "السيسي" حول الأوضاع الاقتصادية للبلاد جدلا واسعا، لما تحمله من تناقضات، بحسب ناشطين مصريين دشنوا، الثلاثاء، وسما بعنوان "الشعب بيكح تراب"، أعربوا من خلاله عن مدى الفقر والعوز الذي وصل إليه حال المصريين في عهد "السيسي"،ردا على تصريحات في افتتاح المؤتمر، قال فيها: "الناس في مصر مش فقرا أوي زى ما الناس فاكرة".
وأشار الناشطون إلى أن تصريحات "السيسي" تخالف ما ورد ببيان الجهاز المركزي للتعبئة والإحصاء، الذي أكد ارتفاع معدل الفقر في البلاد خلال العام المالي 2017-2018 إلى 32.5%، وكذلك تصريحات سابقة له قال فيها "إحنا فقرا قووي".
