تشهد مصر حالة من الجدل الكبير بعد موافقة مجلس النواب على اقتراض ملياري يورو لتنفيذ مشروع القطار الكهربائي فيما تفاعل مغردون مع تصريحات لوزير النقل والمواصلات كامل الوزير بشأن الموضوع.
ووصف الوزير خلال كلمة أمام مجلس النواب، مشروع القطار الكهربائي السريع بـ"الممر التنموي الكامل"، مشيراً إلى أن محطات القطار التي سيتم افتتاحها ستكون أعلى مستوى.
وقال: "اخترنا الطريق الصعب أن نسبق، إن شاء الله يتحقق ذلك بمعاونتكم، وإرادة الشعب.. في ناس عندها فلوس فقط، واحنا عندنا إرادة.. هل الفلوس تسبق ولا الإرادة؟ إن شاء بيكم الإرادة تسبق".
وتنفذ وزارة النقل شبكة القطار السريع المكونة من 3 خطوط، ويضم الخط الأول (العين السخنة – الإسكندرية – العلمين - مطروح)، أما الخط الثانى (أكتوبر/الأقصر/أسوان/أبوسمبل )، وهو خط يخدم محافظات الصعيد بطول 1400 كم، ويبدأ من مدينة 6 أكتوبر بالجيزة حتى أبوسمبل بأسوان.
وتشير وسائل إعلام حكومية إلى أن أهمية تنفيذ مشروع القطار الكهربائي السريع يكمن في أنه سيسهم في توفير الوقت من خلال ربط مختلف المناطق التي يمر بها لنقل الركاب والبضائع بشبكة سكك حديدية سريعة وعصرية وآمنة.
وتقول الحكومة إن شأن المشروع الإسهام في دعم الاستثمار وإتاحة فرص عمل للشباب، فضلا عما يمثله المشروع من عنصر جذب للاستثمار والتنمية ما يدعم الاقتصاد المصري، ويسهل نقل البضائع من العين السخنة على البحر الأحمر إلى مطروح على البحر المتوسط.
وأثار القرار ردودا واسعة من ناشطي مواقع التواصل الاجتماعي فيما يظهر وسم "كامل الوزير" في قائمة الأعلى تداولا عبر "تويتر".
واستغرب مغردون اقتراض ملياري يورو من أجل تنفيذ مشروع في ظل الأزمة الاقتصادية الحادة التي تعانيها البلاد.
كل دول العالم بتاخد قروض وتعمل بيها مشاريع إنتاجية عشان المشاريع دى تصرف ع البلد .. إلا احنا بناخد قروض ونعمل بيها مشاريع عشان ناخد قروض تانى نصرفها ع المشاريع دى 😵💫🤦♀️#كامل_الوزير #الحوار_الوطني pic.twitter.com/ODtJCCsWtt
— المصراوية (@nevermind_889) May 10, 2023
يبدوا أنه لا يوجد أحد يرتب أولويات هذه الدولة في القروض وفي الإنفاق وفي القرارات، ماهو مهم وعاجل، ماهو مهم وغير عاجل، وماهو غير مهم وغير عاجل .. إلخ #كامل_الوزير
— Micheal Mounir (@michomounir) May 11, 2023
من الناس الي عمري ما هفكر احترمها شخصية هزليه
— Dewan Solimany (@ahmed_no_media) May 11, 2023
مفيش اي تخطيط استراتيجي كل مشاريعه قتل الجنيه المصري والشعب المصري
والسيسي يقوله اضرب يا كامل🤣🤣
حسبي الله ونعم الوكيل#كامل_الوزير
المشروع عظيم لما يتعمل ف وقته لكن دلوقتي هيخسر ذي القطار الكهربائي الخفيف اللي محدش بيركبه
— Ayman masry (@aymanmasry81) May 11, 2023
موافقة مجلس النواب على قرضين بحوالي 2 مليار يورو لتمويل مشروع القطار الكهربائي، على الرغم من كل ما نحن فيه
— Basem Kamel - باسم كامل (@basemkamel) May 11, 2023
أمر غير منطقي وغير عقلاني وغير مبرر وغير إنساني
ملحوظة
نواب المصري الديمقراطي الاجتماعي اعترضوا بشدة لكن هيهات@EsdpEgy
فيديوهات الاعتراض في اول وثاني تعليق
الافضل للبلد وللهيئة انها عايزة تتطور وتحقق نجاحات وانها ماتجيش على المواطنين فى انهم يتعلمو ويكونو بصحة كويسة ان القروض الخاصة برفع كفاءة وزارة النقل تسددها ارباح وزارة النقل وان سيادة الوزير كامل يتعهد بتقديم خطة للسداد وكدا يبقى ضربنا عصفورين بحجر واحد #كامل_الوزير
— Mohamed (@MohamedTakrony7) May 11, 2023
بذمه ده كلام يطلع من وزير؟ مكفايه السبوبه اللي عملتها من ورى القطر ده وبتقول عليه سريع وهو مش بيمشي ده التوك توك اسرع منه #السيسي #كامل_الوزير pic.twitter.com/qFJHbROHSa
— أحمد ・ Ahmed Hassan (@Amd655) May 7, 2023
#كامل_الوزير بيقول دول كثير عندها قطار كهربائي ومصر مش اقل منهم
— محمد سيد (@mohamed_say51) May 10, 2023
طب .دول كثير عندها تعليم وصحة جيدة وسكن محترم وبيئة إنسانية وحياة سياسية كما يجب وكل ده مش موجود ف مصر فمجتش ع القطر اللي أن شاء الله يحش بدنك انت واللي مشغلك يا اقرع الرأس وسليط اللسان وطويل اليد ع مال الشعب
في المقابل أعرب آخرون عن تأييدهم للمشروع معتبرين أن من شأنه دعم التنمية في البلاد والتسهيل على المواطنين.
بعيدا عن عدم انفاق الموازنة في اماكنها الصحيحة في بعض البنود، بس القطار الكهربائي مشروع كان لازم يتعمل من عقود، هيبقا قناة سويس جديدة برية
— Mohamed Gomaa (@MohammadGom3a) May 11, 2023
القطار الكهربائي السريع من المشروعات الخضراء اللي بتكون سهلة التمويل وتوفر التكلفة علي مدي التشغيل .. وايضا اكثر كفاءة واعلي قدرة علي تحقيق الاهداف الاقتصادية والاجتماعية للمشروع
— Mhmdzaki (@mhmdzaki69) May 11, 2023
شبكه المواصلات في كل الدنيا هي اساس التنميه
— amr (@amr45361640) May 11, 2023
اما حكايه الشو الاعلامي والشتيمه ده يدل علي ان فيه نواب من زمن الابيض والاسود
بس الاكيد ان الاخوان والكولجيه جم الدنيا من نطه خنzير #كامل_الوزير
عاوز من الجماعة إياهم اللي بيحتفلوا بالنائب الشجاع اللي بيهاجم وزير النقل يفتكروا اللقطة دي كويس أوي عشان ممكن نحتاجها قريب في الإسكريبت بتاع مجلس النواب اللي ملووش أي لزمة و بنضيع فلوسنا عليه !
— nour (@junterziehm78) May 11, 2023
كل الدعم لأنجح وزير أعاد بنية تحتية محتضرة مجدداً للحياة .! #كامل_الوزير
كل الدعم ليك يا معالي الوزير #كامل_الوزير pic.twitter.com/FuqxDdhfkS
— Ashraf Brakat (@AshrafBrakat4) March 8, 2023